Showing posts with label bbc sajha sawaal. Show all posts
Showing posts with label bbc sajha sawaal. Show all posts

March 18, 2013

गरे स्वोदेशमै के असम्भव छ र ?-कृषि उद्यमी हरुका सफलताका कथा-bbc sajhasawaal

bbc-साझासवाल टिमले  नेपालका विभिन्न ठाउँमा गएर कृषि उधमी हरुसंग गरेको अन्तरबार्ता उनीहरुका प्रेरक कथा  दिनहु हज्जारौको संख्यामा विदेश पलयान  भैरहेका युवा र केहि गरौ भनि ठुलोठुलो काम सोचेर बसेका दाजुभाइ हरुलाई प्रेरणाको स्रोत बन्न सक्तछ । 
सधै नेताले बोलेका, हगेका , पादेका बकम्फुसे कुरा गरेर सबै नागरिकलाइ  बिरक्त बनाउने भन्दा अब संचार माध्याम हरुले यस्ता खालका उत्प्रेरणा जगाउने कार्यक्रम ल्याए राष्ट्र र जनताका लागि साचो अर्थमा  योगदान हुनेथियो । 

February 11, 2013

bbc sajha sawaal-कहिले भोट हाल्न पाउँछन त नेपालीले?

कसको नेतृत्वमा चुनाव भन्दाभन्दै दलहरुले ८ महिनाको समय बिताए र चुनावी सरकारको नेतृत्वका लागि नयाँ नयाँ नामहरु पनि आईरहेकै ‍छन् । नेताहरुले साँच्चै चुनाव खोजेकै हुन त? कहिले भोट हाल्न पाउँछन त नेपालीले? सबैले भन्ने गरेको गतिरोध अन्त्य गर्ने एउटै विकल्प चुनावका बारेमा छलफल गर्न हामीसँग पूर्व प्रमुख निर्वाचन आयुक्त भोजराज पोखरेल, पूर्व स्थानीय विकास मन्त्री एवं एमाले नेता उर्मिला अर्याल र सत्तारुढ दलहरुको समुह 'संघीय लोकतान्त्रिक गणतान्त्रिक गठबन्धन' का प्रवक्ता प्रेम बहादुर सिंह हुनुहुन्छ ।

January 14, 2013

महिलामाथि भइरहेका ज्यादती र त्यसलाई रोक्ने उपायका बारे बहस-Violence Against Women in Nepal-Sajha Sawaal

काठमाडौंमा ८ वर्षीया बालिकामाथि यौन दुर्व्यवहार । बारामा छोरीलाई हत्या गरेको अभियोगमा बाबु पक्राउ । सर्लाहीमा बोक्सीको आरोपमा महिलालाई मलमुत्र खुवाइयो। वैदेशिक रोजगारबाट फर्केकी भोजपुरकी युवतीलाई प्रहरीद्वारा बलात्कार ।

October 20, 2012

चाडपर्व मनाउने शैलीमा पनि परिवर्तन हुदै-bbc sajha sawaal

बदलिदो सामाज सँगै चाडपर्व मनाउने शैलीमा पनि परिवर्तन हुदैछ। तराईमा मात्र मनाइने छठ पर्वमा अचेल पहाडवासी पनि सामेल हुन थालेका छन् भने ल्होछार र माघी जस्ता चाड मनाउन अरु समुदायका मानिसहरु पनि रमाउन थालेका छन। घरैमा मनाउने पर्वहरु अचेल तारे होटल र पार्टी प्यालेस सम्म पुगेको छ। हाम्रा पर्व मनाउने तरिका कसरी परिमार्जित हुँदैछन् ? साझा सवालको बहस ।

September 4, 2012

मुल्यवृद्दि नियन्त्रणका लागि के काम भैरहेको छ त?-BBC Sajha sawaal

तपाईं हामी सबैलाई पेट भर्न चाहिने दाल चामल, तरकारी, चिनी जस्ता दैनिक उपभोग्य वस्तुको भाउ छुनै नसक्ने गरि आकासिएको छ। सरकारले खाद्यान्न उत्पादन सबैभन्दा बढी भएको र २३ वर्ष यता सबैभन्दा बढी उपभोग्य बस्तु सञ्चित भएको तथ्य सार्वजनिक गरेकै बर्ष बजारमा उपभोग्य बस्तुको भाउ यसरी आकासिएको हो । दैनिक भान्साको खर्च यसरी बढ्दा बजार अनुगमन र नियमन गर्ने सरकारी या उपभोक्ताहरुको संयन्त्र के गर्दैछ? सरकार भन्छ -- "बजारमा कृत्रिम अभाव सिर्जना गरी अत्यावश्यक बस्तुहरुमा अत्यधिक मूल्य बृद्धि भएको छ।" र प्रधानमन्त्री भन्छन्- "यो मुल्यवृद्दि नियन्त्रणका लागि तत्काला कारवाही अघि बढाउनु पर्छ ।" त्यसका लागि के काम भैरहेको छ त?

August 19, 2012

अहिलेका नेता फेर्यो भने सधैंको किचलोबाट निकास निस्केला त?-BBC Sajha sawal

शान्ति प्रक्रिया टुङ्गिएन, संविधान पनि लेखिएन । दलहरु झन् विभाजित अवस्थामा पुगे । यसले गर्दा देशको अर्थतन्त्र पनि अघि बढ्न सकेन । यस्तो हुनुमा अहिलेका नेताहरूको दृष्टिकोण र क्षमतालाई प्रश्न उठाइन्छ । के त्यसो भए अहिलेका नेता फेर्यो भने सधैंको किचलोबाट निकास निस्केला त? सहमति भन्ने शब्द बिगत ४ वर्षदेखि नेताको मुखबाट सुन्दा सुन्दा नेपालीहरु दिक्क भइसके । तर ब्यवहारमा भने आ-आफ्ना मोर्चा बनाएर दलहरु झन बिमतितर्फ अघि बढ्दैछन । के समस्या भनेको अहिलेका नेता नै हुन् त? साझा सवालको यो छलफलका लागि  मेगा बैंकमा प्रमुख कार्यकारी अधिकृत अनिल शाह, एमाओवादी नेता देबी खड्का, कांग्रेस नेता महेन्द्र यादव र एमाले नेता योगेश भट्टराई ।

August 12, 2012

अहिलेको यस्तो राजनीतिक, संवैधानिक अन्योल कहिलेसम्म?-bbc sajha sawaal

अहिलेको राजनीति हेर्ने हो भने न त सरकारले तोकेको समयमा चुनाव हुने देखियो न अव के गर्ने भनेर सहमति हुन सक्यो । न त अर्को चुनाव कहिले गर्ने भनेर दलहरू सहमत हुन नै सके । राजनीतिको यस्तो अन्योल कहिलेसम्म? दलहरूसँग यो अन्योललाई चिर्ने उपाय के छ त? यदि यो संवैधानिक संकट हो भने यो गाँठो कसरी फुक्न सक्छ? साझा सवालको बहसमा  नेकपा (एमाले) का नेता एवं पूर्वगृहमन्त्री भीम रावल, पूर्वन्यायाधिवक्ता बद्रीबहादुर कार्की र एकीकृत माओवादीका प्रवक्ता अग्नि सापकोटा ।

July 31, 2012

डाक्टर र बिमारी बीच नेपालमा भै रहने तनावको कारण के हो ?-BBC Sajha sawaal

स्वास्थ्य सम्बन्धि खबरहरु हेर्ने सुन्ने हो भने, गाउँबाट आउने खवरमा अस्पतालमा डाक्टर भएन भन्ने हुन्छ भने शहरका खबरमा डाक्टरले राम्रो उपचार गरेनन् भन्ने र डाक्टर र सेवाग्राहीबीच सधैंको तनाब हुन्छ । डाक्टर र स्वास्थ्यकर्मीहरुको संख्या नै कम भएर यस्तो भएको हो कि भएको जनशक्तिको राम्रो व्यवस्थापन हुन नसकेको हो? यो साझा सवालमा हामी डाक्टर, नर्स, अहेव, अनमी जस्ता स्वास्थ्य क्षेत्रको जनशक्ति व्यवस्थानका बारे छलफल गर्दैछौं ।

July 22, 2012

Road accident in nepal and its causes, सडक दुर्घटना र यसका कारण- on bbc sajha sawaal

हामीले सडक दुर्घटना सम्बन्धि उठाएको खबरदारी विचार संग सम्बन्धित बिसय मा साझा सवाल मा भएको बहस |
बर्षायामसँगै सडक दुर्घटनाका खवर धेरै आउने गर्छन् । अघिल्लो साता राजधानी आउँदै गरेको बस कृष्णभीरमा दुर्घटना भयो । त्यसको एक दिनअघि नवलपरासीमा तीर्थयात्रीहरु चढेको बस नहरमा खस्यो । गएको हप्तामा मात्रै यस्ता दुर्घटनामा देशभरमा झण्डै सय जनाको ज्यान गयो । बारम्बार भइरहने सडक दुर्घटनाको मुख्य दोषी को हो? नेपालका सडकहरू कति सुरक्षित छन्? सडक सुरक्षाका लागि सरकारका योजनाहरू के के छन् त? नेपालमा सडक यात्राको सुरक्षाको बारेमा कुराकानी गर्न भौतिक योजना, निर्माण तथा यातायात व्यवस्था मन्त्रालयका सचिव तुलसी प्रसाद सिटौला, नेपाल प्रहरीका प्रवक्ता प्रहरी नायव महानिरिक्षक विनोद सिंह र देशभरिको यातायात व्यवसायीको छाता संस्था यातायात व्यवसायी राष्ट्रिय महासंघका अध्यक्ष योगेन्द्रनाथ कर्माचार्य हुनुहुन्छ । click to continue to see the video

July 1, 2012

किशान कै नाममा राजनीति , कृषि प्रधान देशमा किसान नै सधै किन लुटिनु पर्ने, मारमा पर्नु पर्ने ?bbc sajha sawaal 1st july 2012

माटो विरलै छुने नेता र उच्च पदस्थ अधिकारीहरुले हिलो पानीमा दुई चार पाईला चप्ल्याङ चुप्लुङ खुट्टा चोबलेर २-४ रोपो धान रोप्दै, असार १५ को दही चिउरा खाए । तर किसानहरुलाई भने उचित सिंचाई नहुँदा बेलामा पानी नपरेर चिन्ता छँदै थियो, त्यसमाथि, समयमा विकासे मल नपाउँदा अर्को चिन्ता थपियो । दुई तिहाइ जनसंख्या कृषक रहेको देशमा खेती लाउने बेलामा मलको हाहाकार, खेती राम्रो भइहाल्यो भने बेच्ने बेलामा भाउ नपाएर हैरानी । कृषिप्रधान देशमा किसान किन सँधै पीडित छन्? कमजोरी कहाँ छ, नीतिमा कि त्यसलाई कार्यान्वयन गर्ने निकायमा ?

May 21, 2012

साझा सवाल-BBC Sajha Sawaal 20 may 2012

साझा सवालमा  ए नेकपा माओवादीका सभासद लोकेन्द्र विष्ट, नेपाली काङ्ग्रेसका सभासद मनमोहन भट्टराई र मधेस जनअधिकार फोरम लोकतान्त्रिकका प्रवक्ता जितेन्द्र देव ।
छलफलको बिषय  :दलहरुबीचको पछिल्लो सहमतिसँगै नयाँ संविधान बन्ने निश्चित भएको थियो । जेठ १४ नजिकिदैं गर्दा विभिन्न पक्षहरू पछिल्लो सहमतिको विरूद्धमा आन्दोलनरत रहदाँ पनि नयाँ संविधान जारी हुने आशा मरेको छैन । नयाँ नेपाल बनाउने नारा बोकेर ६२/६३ को आन्दोलनमा होमिएका नेता र नागरिक, नयाँ संबिधान बन्ने र समुन्नत नेपाल बन्नेमा कत्तिको आशावादि छन् त? के अब बन्ने नयाँ संविधानले ६ वर्ष अघिको जनआन्दोलनमा व्यक्त जनभावना अनुसारको नयाँ नेपाल बन्ने ढोका खोल्न सक्ला? 

May 6, 2012

साझा सवालमा सरकार, संविधान निर्माण र यसका रहस्यका विषयमा छलफल गर्न पूर्वप्रधानमन्त्री माधव नेपाल

नयाँ सविधान बनाउन तीन हप्ता मात्र बाँकि रहदाँ नेताहरु भने सरकार बनाउन कस्सिएर लागेका छन् । दलहरुको पछिल्लो सहमति अनुसार संविधान जारी हुने बेलासम्म दुई दुई वटा सरकार बन्नेछ । 'कामकुरो एकातिर कुम्लो बोकी ठिमीतिर' भनेजस्तो नेताहरुलाई यो अन्तिम घडिमा पनि किन सरकार फेरबदलकै चटारो परेको होला? नागरिकहरुको अपेक्षा थियो -- शान्ति प्रक्रियाले किनारा पाएपछि संविधान लेखिने कामले गति लिनेछ । तर राजनीतक दलहरुको पछिल्लो गतिविधी हेर्दा सरकार फेरबदल पहिलो र संविधान लेख्ने काम पछिल्लो
प्राथमिकतामा परेको देखिन्छ।
 सरकार र संविधान निर्माण र यसका रहस्यका विषयमा साझा सवालमा छलफल गर्न पूर्वप्रधानमन्त्री एमाले नेता माधव कुमार नेपाल हुनुहुन्छ ।

April 30, 2012

Sajha Sawaal-30th April-शासकीय स्वोरुपका बारेमा छलफल

सझासवालको शासकीय स्वोरुपका बारेमा कांग्रेसका रामसरण महत, एमालेका सुरेन्द्र पाण्डे , माओबादीका पोस्टबहादुर बोगटी लगायत सहभागीहरुको छलफल

April 9, 2012

bbc sajha sawaal-विदेशिने युवाहरुलाई देशभित्रै रोजगारीको अवसर सिर्जना गर्न के ले तगारो हालेको होला?

देशको जनसंख्या हेर्ने हो भने आधा भन्दा बढी युवा छन् । वर्षेनी ३ लाख भन्दा धेरै युवाहरु श्रम बजारमा आउँछन् तर नेपालको श्रम बजारले बार्षिक ३० हजारलाई पनि रोजगारी दिन सक्दैन । 
अर्धदक्ष वा अदक्ष कामदार उत्पादन र तिनको विदेश निर्यात, नेपालको सम्भवतः सबभन्दा ठुलो उद्योग हो । जनशक्ति निर्यात गर्ने उद्योगको सट्टा युवाहरुलाई देशभित्रै काम गर्ने अवसर दिन सम्भव छ त? दैनिक १५ सयको हाराहारीमा कामका लागि विदेशिने युवाहरुलाई देशभित्रै रोजगारीको अवसर सिर्जना गर्न के ले तगारो हालेको होला? 
धुलिखेलमा रेकर्ड गरिएको साझा सवालको २३० औं भागमा यो विषयमा बहस गर्न सझासवालमा  युवा तथा खेलकुद राज्यमन्त्री गोपि अछामी, नेपाली कांग्रेसका युवा नेता गगन थापा र युवा तथा साना व्यवसायी स्वरोजगार कोषका कार्यकारी निर्देशक बिनोद कुमार गुरागाईं हुनुहुन्छ ।

Share

Twitter Delicious Facebook Digg Stumbleupon Favorites More