जगन कार्की
हरेक अवसरमा चुक्ने ,
दुख परेपछि मात्र झुक्ने ,
बनाउने बेलामा फुट्ने ,
भत्किंदा मात्र जुट्ने ।
बेला हुँदा,
बेथिति-विसंगति सुल्झाउन छोडी ,
समस्या हरुका बिस्कुन थापेर ,
लड्यो , लडायो कसैले बहकाउद़ा ,
बहकियो अनि करायो |
उल्टो बाटो ,
उल्टैमतिले गर्छ नराम्रो खति,
सबै भन्दा सजिलो छ दोष लगाउन ,
एक अर्का अनि पराइ हुँदै,
छिमेकिसम्मलाइ दोष थोपर्यो ,
यस्तै बन्दैछ हाम्रो परम्परागत मती ।
जोखिम र प्रकोपसंग खेल्दैगर्दा ,
बिना तयारि बिपती झेल्दैगर्दा ,
प्रकोपको बेगसंगै,
हरेक बर्ष बगिरहेका निर्दोष आत्माहरुले,
मृत्यु पश्चात पनि न्याय पाउने छैनन् ,
शाशकहरुका अक्षम्य गल्तीहरुले,
समाजमा बन्द जिम्मेवार आँखा हरुले ।
उकाली ओराली फाँटमा कुद्ने ,
खटेरा गाडीहरु संगै,
अड्किएका हाम्रा सासहरुले ,
प्रकोप र विपदबाट बच्न सकिने,
अवसरहरु गुमाउदै गर्दा,
अकालमा गुमेका,
कयौं आफन्त र प्रियहरुका लासहरुले,
गिज्याउँदै भनिरहेका छन् ,
तिम्रा फगत श्रद्धान्जलीका सुस्केरा हैन,
बाँकी बचेका जीवन र भबिस्यका लागि केहि गर!
हाम्रै जीवनसंग खेलवाड गर्ने यातायात र सडकको उपचार गर,
प्रकोपलाई थाम्न सक्दैनौ !
कम्तिमा बच्ने र बचाउने पहल गर,
केहि नसके कम्तिमा,
शाशकहरुका बन्द आँखालाई खोल्न मद्दत त गर !
दिवंगतहरुलाई श्रद्धान्जली अर्पण गर्दै गर्दा ,
सहयोग समर्पण भर्दै गर्दा ,
बेला भएको छ भबिस्य सोच्ने, निर्दोष,
अबोधहरुको शुभ कामना गर्ने |
बेथिति विसंगतिको मेल संगै ,
बन्द आँखाहरुको छल हुदै ,
वर्षपिछे आउने भेलसंग,
हुरी, कम्प अनि पहिरोबाट ,
कसरि मिलेर सामना गर्ने ?
शासन सत्ता हातमा बोकेर ,
सुशासन र सुरक्षाको मन्त्र जप्दै,
हाम्रा लालाबाला र प्राणसंग खेलिने खेलहरु बन्द गर्ने |
0 प्रतिक्रिया हरु:
Post a Comment
यस बिषयको बारेमा तपाईको विचार
कमेन्ट को लागि Comment as मा Click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस। नाम बिना कमेन्ट गर्ने भए select Anonymous.