-जगदीश घिमि
रेनेपाली जनसामान्य अग्रगमनका लागि जुर्मुराएका छन् । संसद र प्रजातन्त्र नमान्ने, आफ्नो एकदलीय तानाशाही बाहेक अरू कसैको विचार नमान्ने केही प्रतिगामी शक्तिहरूले बाटोमा वितन्डाका तगारा हालेर नछेके चमत्कार गरेर देखाउने थिए ।
यस परिस्थितिको अन्त्य गर्न म निवेदन गर्छु— बन्दकारी-धुन्धुकारीलाई किरा नपरोस् । तिनको उपचार गरियोस् ।
पत्रकार रविन्द्र मिश्रले 'भ्रष्टाचारीलाई किरा परोस्' भन्ने अभियान चलाए । लेखे, बोले । फलस्वरूप जोशिला जनताले ठाउँ-ठाउँमा 'भ्रष्टाचारीलाई किरा परोस्' भन्ने टि-सर्ट लगाएर बाँडेर हिँडे । यस नारा र अभियानको ठूलो समर्थन भयो ।


