हामी केटाकेटी हुँदा धेरै महत्व हुदैन थियो शिव रात्रिको त्यसै पनि तराइमा शिव रात्रि भन्ने घरमा आमबुवाहरुले पुजाआजागर्ने तेसै सकिने गरेको याद छ । बिद्यालय पढ्ने उमेर र एसएलसी सम्म पनि मलाई शिव रात्रिले छोएन कारण सुर्ती, चुरोट, रक्सि नखाने भएर होला । मोरंग हाम्रो गाउँघरतिर काठमाडौँमा जस्तो धुम धडाका शिवरात्रि मनाउने चलन छैन ।आजकाल गोपेश्वर शिव मन्दिर बनेदेखि चहल पहल बढेको छ |
जव स्नातक पढ्न काठमाडौँ खाल्डो छिरियो अनि थाहा पाइयो शिव रात्रिको महिमा । गाँठे केटाकेटी बाटोमा डोरीले छेकेर आगो ताप्ने खर्च उठाउने ,रातभरि धुनी तापेर बस्ने देखि अघिलो दिन बेलुकी देखिने पशुपति घुम्न जाने खानेले गाँजा खाने, अनि जाँड रक्सि पार्टी दह्रो चल्छ । सायद सुनसान दशैं तिहार भन्दा बढी रमाइलो शिव रात्रीमा हुने गर्छ ।
आज शिवरात्रि हिन्दुहरुको महान चाडमा थोरै धर्मकर्म र धेरै गाँजाखाने सुरले आएका भक्तजन र आसक्तजनहरुको पशुपतिनाथमा भिड बढेको सुनिन्छ देखिन्छ । बिदेशी मिडिया देखि नेपाली मिडिया साधु बाबाहरुको बहुरूप र गाँजा खाएको दृस्य कैद गर्न तल्लिन देखिन्छन ।
हिन्दु शिवभक्तहरुले सदिऔदेखि पुजागर्दै आएको आस्थाका आराध्यदेव शिवको यो पावन जन्मदिन शिवरात्रिलाइ गजेडी लफंगाहरुले गाजा, भांग, धतुरो खाने पर्वको रुपमा लिएर बद्नाम गराउने क्रम हिजो आज बढिरहेको छ ।
यस्ता क्रियाकलापले लोप हुदै गएका हाम्रा संस्कृतिहरु अनि धर्मको तेजोबध गर्ने र बिश्व समुदायमा हिन्दुधर्मको धज्जी ऊडाएको छ । गाजा, धतुरो, भांगलाइ अन्तरास्ट्रिय जगतमा हानिकारक ड्रग्स अर्थात् नासालु पदार्थको रुपमा लिएर प्रतिबन्ध नै लगाइएको पाइन्छ ।
हाम्रो नेपालमा पनि यसको कारोबार गर्न कानुनले प्रतिबन्ध लगाएको छ तर पनि खुलेआम यसको सेवन गर्ने र करोबार गर्नेहरु गाउसहर सबैतिर पाइन्छन अझ आज पशुपतिनाथ मन्दिरमा साधुबबाको भेसमा यसको कारोबार जतातै भाको हुन्छ ।
खाएर लठहुनेहरु भने शिव भगवानको नाम बद्नाम गरिरहेका हुन्छन, चाडबाडको नाममा समाजमा दियिने मौन सहमति र सिवको बुटी, प्रसाद भनेर उक्साइदिने उक्साहटले बर्सेनि कयौ नया युवाहरु यसको लतमा नजानिँदो तरिकाले लागिरहेका हुन्छन।
धर्मशास्त्रका पण्डितहरु कहिले कुनै शास्त्र, कुनै ठाउमा शिवजीले प्रसादको रुपमा गाँजा, धतुरो खानु नभनेको र केहि गजेडी र आसक्तहरुले शिवको बिराट स्वोरुपको गलत ब्याख्या गरेर समाजमा बिकृति फैलाउने काम गरेको बताउछन् ।
बिशेष गरि समाजमा चिनिएकाहरुले प्रतिष्ठित कहलिएका गयाक , कलाकार हरुपनि यस्ता क्रियाकलापमा देखापर्ने गरेकोले उनीहरुको सिको गर्दै नया पिढीहरु बिग्रिने क्रम बढेको नै छ । उक्साउने भए राम्रो काम गर्न उत्प्रेरणा जगाउ नभए समाजमा प्रतिष्ठित अनुहारहरु समाज बिगार्ने भाड्ने काममा नलागेको बेस ।
।
शिव रात्रिको विभिन्न आयाम र महिमाहरु छन् शिव पुराण र धर्म ग्रन्थ हरुमा शिवको महिमा चर्चा गरिएको छ । यो पर्व मनाउनुको पछाडी उनको जन्म दिन, भगवान् शिवको पार्वतीसग विवाह भएको मानिन्छ । त्यस्तै यो दिन भगवान् शिवलाई आराधना गर्ने सबैभन्दा उपयुक्त दिनका रूपमा धर्मग्रन्थहरूमा व्याख्या भएको पाइन्छ । यो दिन भगवान् शिवको आराधना गरी व्रत उपासना गरेमा मनुष्य जीवनबाट मुक्ति पाउने उल्लेख छ ।
अहिलेका नयाँ पिढीलाइ धर्म र संस्कार जोड्न चुनौतीपूर्ण छ । प्रबिधिको बिकास अनि चाड बाडमनाउने शैली हरुको परिबर्तनले देशमा आएको अन्धविश्वास र रुढीबाद प्रतिको चेतनालेगर्दा हुनुपर्छ ब्राम्हण पढाउने पुजाआजा गर्ने हिन्दु परम्परामा कम आएको पाइन्छ । हाम्रा बुवा आमाहरु जुन आस्था र समर्पणले पुजा आजा गर्नु हुन्थ्यो त्यो हामीमा कम छ । हिन्दु धर्मलाई जातजातिको बिभेद, छुवाछुत्, बलि प्रथा अनि थुप्रै बिकृतिहरु मिसाइदिएर प्रदुषित गर्ने पण्डितहरु हिजो आज ठुलो बिरोध र निन्दा हुने गर्द छ । हुनत यो धर्म संसारको सबै भन्दा पुरानो धर्म र धेरै बैज्ञानिक आधार भएका मान्यता हरु र कुनै अतिबाद नभएको स्वोतान्त्र धर्म भएकाले होला चौतर्फी आक्रमणको सिकार भएको छ । टिका देखि बलिदिएका घटनाहरुको निन्दा हुनु स्वभाबिक भएपनि कसैको धार्मिक आस्थामाथि कसैले औलो ठड्याउने र बिरोध गर्ने अधिकार छैन तर यस धर्ममा भएका रुढिबादी, अन्धबिश्वास र कुरीतिहरुलाई आवस्यक सुधार गरेर नयाँ पुस्ताहरुलाइ विश्वास गर्न लायकको परम्परा स्थापित गर्न सके मात्र यस धर्मको रक्षा हुने देखिन्छ ।
हैन भने धर्मान्धहरुको घमण्ड र अतिबादी शैली , धर्मको राजनीति नै अन्त्यमा यस धर्मको स्खलनको कारण नबन्ला भन्न सकिन्न ।
बेलायत आएदेखि खुब मिस हुन्छ शिवरात्री , यहाँको व्यस्त जीवनमा मानिसहरु यो चाड धुमधाम मनाउने क्रम कम पाएको छु ।
शिव रात्रि भनेको गाँजा खाने दिन गाँजा , भांग धतुरोको देउता शिव भन्ने अनि यसलाई हुन्दु हरुसंग मिसने अनि बदनाम गर्ने र युवा पुस्तालाइ यही प्रसार गरिदिने संस्कार खतरनाक छ ।
सामाजिक संजालमा गाँजा र भांगको चर्चा अनि सगौरव तस्बिर राख्नु अर्को नकारात्मक क्रियाकलाप हो ।
यसले नजानिँदो रुपमा हामी हाम्रो धर्म संस्कार र समाज कस्तो बनाउँदै छौँ भन्नेकुरा प्रस्ट पार्दछ । जुत्ता खोलेर मन्दिर पस्ने ढोका बाहिर फोहोर गर्ने प्रवृति , धर्मका नाममा राजनीति गर्ने प्रवृति ढोंगी , पाखण्डी पन बाहेक कदापी धर्म हुन सक्दैन । धर्म भनेको असल चरित्र धारण गर्नु हो सत्यता हो जे भनिन्छ त्यो गर्ने अत्यधिक कोसिस हो नयाँ पुस्तालाइ यसरि बुझाउने हों की ?
अब यसपाली गाजा नखाने र खानलाइ पनि नउक्साउने काम गरेर जिम्मेवार समाज , देश र शिवभक्त बनौ खाए पनि कम्तिमा भगवानको नाम बिटुलो नापरुम ।यसपालीको शिवरात्रिमा हामी सबै नेपालिको मति सुध्रियोस सबैको कल्याण होस्!
शिवरात्रिको शुभकामाना ।
जय सम्भो !
0 प्रतिक्रिया हरु:
Post a Comment
यस बिषयको बारेमा तपाईको विचार
कमेन्ट को लागि Comment as मा Click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस। नाम बिना कमेन्ट गर्ने भए select Anonymous.