राजधानीबासी तथा लोडसेडिङमुक्त नेपाली जनतालाई मख्ख मात्र नपर्न अपिल ! - Mahabir Pun
लोडसेडिङबाट मुक्त हुनु अथवा लोडसेडिङ घटेर न्यून हुनु धेरै खुसीको कुरा हो । यति भयो भने पनि नेपालको आर्थिक विकासमा धेरै राहत हुन्छ किनभने व्यापारीहरुले, उद्योगपतिहरुले र सर्वसधारणले लोडसेडिङ हुँदा गर्नुपर्ने वैकल्पिक उपायहरुमा पैसा खर्च गर्नुपर्ने छैन । तर विद्युत पाएको खुसियालीमा हामी मख्ख मात्र नपरौं भन्ने मेरो अपिल छ ।
मेरो अपिल यसप्रकार छ- त्यसरी विद्युत लुकाएर केही ‘विशिष्ट वर्ग’का उद्योगहरुलाई मात्र वितरण गर्ने विद्युत प्राधिकरणका जिम्मेवार अधिकारीहरुलाई तत्कालै निलम्बन गरेर त्यसको छानबीन होस् र कडा भन्दा कडा सजायँ दिईयोस् । देशलाई भताभुंग पार्ने धमिराहरुमा तिनीहरु पनि पर्दछन् । उनीहरुले विद्युत लुकाएर केही विशिष्ट उद्योगपतीहरुलाई मात्र विद्युत वितरण गरी प्रशस्त घुस खाएको पैसा पनि ओकाल्नुपर्छ । साथै यत्रो बर्षसम्म जनतालाई दिएको दुःखको पनि जरिवाना तिराउनु पर्दछ ।
यो कुरा पनि बुझौँ, कुनै पनि काम सुचारुरुपमा संचालन गर्न राम्रो व्यवस्थापन हुनु अत्यन्तै जरुरी हुने रहेछ भन्ने एकदमै राम्रो उदाहरण हो यो । विद्युत प्राधिकरणको वर्तमान कार्यकारी निर्देशकले गरेको पनि राम्रो व्यवस्थापन मात्र हो । सबै क्षेत्रमा यस्तै सृजनशील र असल कार्यकारी निर्देशकहरु भए भने देशको विकास हुन धेरै समय लाग्दैन । देश बर्बाद भए कै घुस्याहा र भ्रष्ट नेताहरु र प्रशासकहरुले गर्दा नै हो जुन कुरा सबैलाई छर्लंग छ ।
कमिसन खाएर लोडसेडिंग
केपी ओली प्रधानमन्त्री हुँदा वर्षातको समयमा पनि १८ घण्टासम्म लोडसेडिङ हुन्थ्यो । तर, अहिले तिहारमा काठमाडौं उपत्यकामा लोडसेडिङ नभएपछि उक्त रहस्य खुल्न आएको हो । स्रोतका अनुसार ठूला ठेकेदार कम्पनिहरुको विद्युत् लाइन नकाट्ने र सोबापत् ओलीलाई ५० देखि ६५ प्रतिशतसम्म कमिसन दिने गरी सरकारी च्यानल मिलाएर लोडसेडिङ गरिएको थियो ।
विद्युत् प्राधिकरणका एक अधिकृतले नाम उल्लेख नगर्ने शर्तमा भने, हामीले बक्यौता नतिर्ने ठूला ग्राहकको लाइन काट्न र लोडसेडिङ कम गर्न पूर्व प्रधानमन्त्री ओलीज्यूलाई पटकपटक अनुरोध गर्यौं । तर, उहाँले मान्नुभएन । नेता महेश बस्नेतमार्फत् लाइन नकाट्नु भन्दै ६८ जना ठूला ग्राहकको लिस्ट पठाउनुभयो । प्रधानमन्त्रीको निर्देशन कसरी नमान्नु ? त्यसैले लोडसेडिङ बढ्न गयो ।
ओलीले मासिक आठ लाखसम्म बिल उठ्ने ६८ ठूला कम्पनिको लिस्ट प्राधिकरणमा पठाएर लाइन नकाट्न धम्की दिएका थिए । त्यसको चाँजोपाँजो मिलाउने जिम्मा उनले महेश बस्नेतलाई दिएका थिए । स्रोतका अनुसार ८ लाख तिर्नुपर्ने ठूला ग्राहकले महशुल नतिरेबापत् ओलीलाई ४ देखि पौने पाँच लाखसम्म बुझाउँथे । ओली सरकारबाट हटेपछि ठूला ग्राहकले लाइन काटिने डरले बिल भुक्तानी गरेको र विद्युत् चुहावट रोकिएका कारण उपत्यकामा तिहारमा लोडसेडिङ् हटेको थियो । साझासवाल बाट
0 प्रतिक्रिया हरु:
Post a Comment
यस बिषयको बारेमा तपाईको विचार
कमेन्ट को लागि Comment as मा Click गर्नुहोस् । name/url छानेर name मा आफ्नो नाम लेख्नुहोस् । url खाली छोडे पनि हुन्छ अथवा facebook को profile को url राख्नुहोस् । अन्तमा submit post गर्नुहोस। नाम बिना कमेन्ट गर्ने भए select Anonymous.